ബി​ഗ് ബോസ് സീസൺ ഫോർ താരം റോബിൻ രാധാകൃഷ്ണനെതിരെ ​ഗുരുതര ആരോപണങ്ങളുമായി രം​ഗത്തെത്തിയിരിക്കുകയാണ് മുൻ സുഹൃത്ത് ആരവ്. റോബിന്റെ അടുത്ത സുഹൃത്തായിരുന്ന ആരവ് പിന്നീട് പല പ്രശ്നങ്ങൾ കാരണം റോബിനുമായി അകലുകയായിരുന്നു. ഇപ്പോൾ വ്യാജ കണ്ടന്റ് സൃഷ്ടിച്ച് പ്രേക്ഷകരെ വഞ്ചിക്കാൻ റോബിൻ ശ്രമിച്ചുവെന്നാണ് ആരവ് പറയുന്നത്.

റോബിന്റെ ക്ഷണപ്രകാരം കോഴിക്കോടുള്ള ഒരു ഹോട്ടൽ റൂമിൽ എത്തിയ തന്നോട് ഒരു വീഡിയോ എടുത്ത് തരാമോയെന്ന് ചോദിക്കുന്നു. ‘ഞാൻ ബാത്ത്റൂമിലേക്ക് ഓടും, നീ പുറകെ ക്യാമറുയുമായി വന്ന് എന്റെ മുതുകത്ത് തട്ടി എന്ത് പറ്റി ചേട്ടായെന്ന് ചോദിക്കണം’ എന്നായിരുന്നു റോബിൻ പറഞ്ഞത്. എന്തെങ്കിലും ഡ്രാമ പ്ലാൻ ചെയ്യുകയായിരിക്കുമെന്നാണ് ആരവ് ആദ്യം വിചാരിച്ചത്.

ആ വീഡിയോ എടുക്കുമ്പോൾ ആദ്യം തനിക്ക് ചിരി വന്നു, അപ്പോൾ റോബിൻ സീരിയസ് ആവണം ചിരിക്കരുതെന്ന് എന്ന് പറഞ്ഞു. വീണ്ടും വീഡിയോ എടുത്തു, പുള്ളിക്കാരൻ ബാത്ത് റൂമിലേക്ക് ഓടുന്നു, ഞാൻ കൂടെ ഓടി വീഡിയോ എടുക്കുന്നു. പുള്ളിക്കാരൻ നല്ല രീതിയിൽ ശർദ്ദിക്കുന്നു. ഒടുവിൽ വീഡിയോ കട്ട് ചെയ്ത് കണ്ടതിന് ശേഷം ഉടനെ പറയുന്നു ഇത് സ്പ്രേഡ് ചെയ്യണമെന്ന്. ഈ വൈറൽ കണ്ടന്റ് എല്ലാരും ചർച്ച ചെയ്യണം. റോബിന് സുഖമില്ല, റോബിൻ ശർദ്ദിക്കുന്നു എന്ന തരത്തിലാവണം ചർച്ച്. എല്ലാരും കരയണമെന്നും റോബിൻ പറഞ്ഞു.

ഇത് കേട്ടപ്പോൾ ഞാൻ പെട്ടെന്ന് ഷോക്കായിപ്പായി. ഇങ്ങനെ ഒരു സന്ദർഭത്തിൽ പുള്ളിയെ ആശ്വസിപ്പിക്കുന്ന ആളുകളുണ്ടാവും. അല്ലാതെ പുറകെ പോയി വീഡിയോ എടുക്കുന്ന ആരെങ്കിലുമുണ്ടാവുമോ. അതുകൊണ്ട് തന്നെ ഞാൻ ബുദ്ധിപൂർവ്വം പറഞ്ഞത്, ഈ ഒരു വീഡിയോ പുറത്തായി കഴിഞ്ഞാൽ റോബിൻ രാധാകൃഷ്ണൻ കള്ളുകുടിച്ച് വാള് വെക്കുന്ന എന്ന തരത്തിലായിരിക്കും ചർച്ചയെന്നായിരുന്നു.

എന്നാൽ റോബിൻ അതിലൊന്നും നിക്കാതായപ്പോൾ ആരവ് സമ്മർ മീഡിയയിലെ അഖിലേട്ടനെ വിളിച്ചു. അവർ പറഞ്ഞത് ജനങ്ങളുടെ മുന്നിൽ പൊടിയിടരുതെന്നാണ്. ഇങ്ങനെയൊരു വീഡിയോ വന്നാൽ ട്രോളായി മാറും. കുടിച്ച് വാൾ വെക്കുന്നുവെന്ന പ്രചരണം ഉണ്ടാവുമെന്നും സമ്മർ മീഡിയ പറഞ്ഞു. അങ്ങനെയാണ് റോബിൻ ഈ വീഡിയോ ഒഴിവാക്കുന്നത് എന്ന് ആരവ് പറയുന്നു. തെളിവായി ആ സംഭവത്തിന്റെ ദൃശ്യങ്ങളും ആരവ് പങ്കുവെക്കുന്നുണ്ട്.

ബിഗ് ബോസിന് അകത്തും പുറത്തും ഏറ്റവും കൂടുതൽ കണ്ടന്റ് കൊടുക്കുന്ന ഒരു വ്യക്തിയായിരുന്നു റോബിൻ രാധാകൃഷ്ണൻ എന്നാണ് ആരവ് പറയുന്നത്. വായുവിൽ നിന്നും ഭസ്മം എടുക്കുന്ന സായി ബാബയെപ്പോലെ വായുവിൽ നിന്നും കണ്ടന്റ് എടുക്കുന്ന വ്യക്തിയാണ് റോബിൻ രാധാകൃഷ്ണെന്നും ആരവ് പറയുന്നു.